Перейти к основному содержанию

Лув гуз канда ви патав

Няни кьилей рагъ ак1айла, гад бере,
Хуьруьшумдик галчук хьайла дагъ дере,
Хуьруьн винел гъетер кайла гьар жуьре
Са легьзеда лув гуз канда ви патав!

Чубарукар акваз кьвед-кьвед хквезвай,
Перишанвал зи патарив къвекъвезва,
Зи гьал акваз дидедизни шел къвезва
Рик1из къуш хьиз лув гуз канда ви патав!

Зун са фагъир - чара ат1ай дуьняда,
Зи вилериз вун аквазва гьар пата,
Ягьнат1ариз гаф вегьизва чарада
Катна инай лув гуз канда ви патав!

Зи вилер ваъ, рик1 бикеф яз ишезва,
Кьарай амач, вун такваз заз кич1езва,
Зи душманриз капар ягъиз хвешизва
Вун - зи хиял, лув гуз канда ви патав!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.