Дуьнядин дерт рик1ин къене хер хьанвай
Шаир я зун герек тучир садазни.
Чуьлдин юкьвал тек тар я зун хел ханвай,
Пехъ вуч я хьи, бегенмиш туш гьадазни.
Зи фагьумрик, зи хиялрик, зи чандик
И чилерин "шагь дамардин" ц1вегь гала!
Къайи гару фул кутадач зи тандик,
Рик1ин къене Ц1айалпандин экв ава!
Мич1и йифиз гатайт1ани харари,
Кьил агъуздач, килигда зун цавариз!
Ц1ай кьуна лап чуькьвейт1ани хамари,
За манидив эвер гуда тамариз!
Рубрика
Добавить комментарий