Перейти к основному содержанию

Са таватдиз

Экуьн кьиляй хуьре жемят ксанмаз,
Экъеч1навай яргъи рушаз ухшар я!
Ният михьи, кьакьан къамат я алмаз,
Валлагь, дустар, ц1ийи сусаз ухшар я!

Рахадамаз сивяй зарар чк1изва,
Патав гвайдан дердер кьулухъ хъфизва,
Хъуьт1уьн юкъуз чанда иви ифизва,
Женнет багъда хурмад тараз ухшар я!

Аман, аллагь, ялав кьуна кузва чин,
Кьарай квахьна алакьзамач сабур гъин,
Агь!Хиялри къакъуднава зи зигьин,
Мич1и цава экуь вацраз ухшар я!

Вун кьакьнрай чи чилерал илифна
Чук1урнава цуьквераллай чиг, циф на,
Эквуьвилив ац1урнава мич1, йиф на,
Вик1егьвилиз лекьрез, катраз ухшар я!

Килигунар деринвилиз са гьуьл я,
Ваз ярашугъ чи Муьшкуьрдин там, чуьл я,
Шагьмардан къе ви дердинай къегъуьл я,
Гатфар гъизвай сифте яраз ухшар я!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.