Барка хьурай, хан Эйваз

Барка хьурай, хан Эйваз!

Ви гьар са ц1ар са "жавагьир" я элдиз,
Сув кьакьанрай атурай ви ван, Эйваз!
Чи чилерал мани хьурай гур сел хьиз,
Барка хьурай ц1ийи улуб, хан Эйваз!

Ц1аярикай ц1укар ава ч1аларал,
Нехиш ава ви рифмайрин халарал,
Зулун пеш хьиз зурзавай тарарал,
Барка хьурай ц1ийи улуб, хан Эйваз!

Мафтун я зун ви пак рик1ин экверал,
Чиг илифай цуьквед винел къветерал,
Мич1и цава ц1ив-ц1ивзавай гъетерал,
Барка хьурай ц1ийи улуб, хан Эйваз!

Ви ч1алари зун хиялриз тухузва,
Гьар гафуни ашъдиз ялав, ц1ай гузва,
Ярдиз гафар ви шиирдив лугьузва,
Барка хьурай ц1ийи улуб, хан Эйваз!

Виш йисарин деринрай чи руьгь вуна,
Хайи чилиз к1анивилин рехъ кьуна,
Ц1ийи атир, гьевес галаз акъудна,
Барка хьурай ц1ийи улуб, хан Эйваз!