Перейти к основному содержанию

Хайи ч1ал чир тахьайт1а

Хьран фуни гьалал жедач, ваз хайи ч1ал чир тахьайт1а,
Мел-межлисдал абур къведач, ваз хайи ч1ал чир тахьайт1а.

Пун квахьайт1а кьакьан таран, адан чка вал-цаз жеда.
Хтул, штул вид хъжедач, ваз хайи ч1ал  чир тахьайт1а.

Экуьн кьиляй рагъ экъеч1на яр савкьатда гьар инсандиз,
Рик1ин къенез зар нур фидач, ваз хайи ч1ал чир тахьайт1а.

Ч1еред к1аник ц1ив-ц1иварда чубарукдин бул шарагри,
Ви гуьгъуьна аял шедач, ваз хайи ч1ал  чир тахьайт1а.

Чи ватандин сув  синера, генг чуьллера ва тамара 
Бверкьуь хьана рехъ жагъидач, ваз хайи ч1ал чир тахьайт1а.

Шагьмарданаз къадир чида чи ватанда  гьар инсандин,
Гишин хьайт1ан ви фу недач, ваз хайи ч1ал чир тахьайт1а.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.