Кьел алахмир зи канавай хамарал

Куз хъжедач вавай мадни чирагъ хьиз
Зи ашкьидин гел квахьнавай камарал.
Яргъай хъуьрез ак1изавай са рагъ хьиз
"Кьел алахмир зи канавай хамарал".

Атир гузмач ви багъдавай цуьквери,
Чара касди туьхъуьрнава ашкъ, ялав.
Къив гузава пехъерини нуьк1ери,
Агатдамаз зи хиялар ви патав.

Алад чукъвач жув хтанвай шегьердиз,
Зи хуьревай цифни хар заз масан я.
Ви амалар хкведач мад бегьердиз,
Вун акурла жувни жуваз дак1ан я.

Кьел алахмир зи канавай хамарал,
Рик1ел хкиз зи темендин ц1ай вуна.
Ичер амач а багъдавай тарарал,
Чи ашкъидиз гъана мекьи къай вуна.