Илим

Зи мал, девлет зи илим я чирнавай,
Илим экв я, нур гузавай са хад я!
Язух ам я, авам яз кьил к1ирнава,
Илим Кевсер булахдавай пак яд я!

Рик1 авуна кам вегьида мич1ериз,
Нур пайда за илим лугьур чирагъдив.
"Нек" чк1урда и чилерал йифериз
Чирна сирер пакам йикъан суракьдив.

Гьар илимдин деринвилиз финивай
Хъел къвезава кьат1унрикай заз жуван.
Гъиле ктаб, рик1из сабур гъинивай,
Экв къвезва зал "мич1ивилиз" кьаз дуван.

Гьикьван четин ят1ан илим, ширин я
Адан рекьел жуванни.гел эцигун.
Инсан ят1а, адан к1валах чирун я,
Шейт1андин рехъ к1евирна т1вал илигун.

Эй инсанар, рекьера экв хьун патал,
Чирна сирер чун илимдин кук1вал жен!
Гьар легьзедиз вичин къимет гун патал,
Илим к1елна Аллагьдиз чун мукьвал жен!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.