Лезги руш

Булахдилай хквезвай руш,
КIвачерик вуч звер гала ви.
Заз пел чIурна килигайтIан,
Мад пIузаррихъ хъвер гала ви.

Къуьнел кьунвай залан кутар,
Ви къуьнериз пар тахьурай.
Яваш эциг вуна камар,
Ви кIвачериз тIар тахьурай.

Кьилел алай лацу бишме,
Ви къуьнерал аватнава.
Къизил рангад яргъи кифер,
Ви юкьвалай алатнава.

Са кутар яд бес жедайд туш,
Мад са сефер ша булахдал.
Ваз килигна, чан лезги руш,
Акъатрай зи рикIевай тIал.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы