Ш

Шадвилелай шандакьар ийнда.
Ширин меце гъуьлягъ тIеквендай акъудда.
Ширин-ширин туькьуьнихъ, туькьуьлг-туькьуьл экъечIунни гала.
Шалвар алачирдаз кьве юкI хун ахварай аквада.
Шехь тавур аялдиз мам гудач.
Шехьдайдан вилерай накъвар кими жедач.
ШункIаник твар квай верч кIвале акъваздач.
ШункIаник твар квай вечре какаяр чарадаз хада.
Шив кьейила пурар амукьда, игит кьейила тIвар.
ШейтIандин япар биши хьуран.
Ша чна и рекьик гурар кутан.
Шабаш къвез хьайила зуьрнедай гум акъатда.
ШакIуртвал тавурдаз устIарвал чир жедач.
Шириш кьур регъуьз кIута яна кIанда.
Шофердиз кIан хьайнтIа кабинада вадни ацукьариз жеда.