Ч

Чалай алатрай вацIал-цIал гьалтрай.
Чка тийижиз цайи тар, экъечI тавун мумкин я.
Чидайди са-сад, тийижирдаз чувал-чувал.
Чкадилай къарагъда, гатар къугъвада.
Чиркин папан гъуьл буьркьуьз хъсан я.
Чина вил амаз, вилел капач эциг.
Чатухъандихъ маша жедач.
Чубан галачир суьруь.
Чубанар гзаф хьайила, хперик жанавур акахьда.
Чубакдиз кIан хьайитIа, кьунакай ниси хкудда.
Чиг шехьиз-шехьиз къведа.
Чакъалди гьикьван башмакьар чуьнуьхайтIани ам кIвачел алачиз жеда.
Чарадавай хабар яхъ, жуваз нидайвал ая.
Чарадан сир ваз лугьудайла, вуна ви сир масадаз лугьумир.
Чарадан шивелай жуван балкIан хъсан я.
Чарадан хандакIдиз кьуьк ямир.
Чан вичин, жегьеннем гъуцарин.
Чил кIеви я, цав кьакьан.
Чан лагьайдан чан къачуз жедач.
Чидач лугьун кьилин, авач лугьун кIвалин салаиатвал я.
Чин иерди ваъ, рикIиз кIаниди гуьрчег я.
Чин яру жедайвал ийимир.
Чинихъ фена, далудихъ хтана.
Чинай зегьер авахьзавайдакай хийир жагъндач.
Чин хьайила, астIар квекай хьайитIани жеда.
Чин чIулав хьун айиб туш, рикI чIулав тахьурай.
Чинал чин чуьхуьдай, кьулухъ дабан атIудайдакай яргъаз.
Чиниз регъуь жедайдахъ, туькьуьл рикI жедач.
Чан лагьайла чиниз килигда, яман лагьайла чилиз.
Чиниз регъуь хьайитIани, руфуниз регьят жеда.
Чил иесисуз хьайила, вак тепедал экъечIда.
Чирвал мугьман, акьул неси я.
Чумал тарцелай жумар атIуз жедач.
Чуру цIегьрекни жеда, акьул хьана кIанда.
Чуп вегьейла кесибдиз тIур, фекьидиз кур акъатна.
Чуьнуьхардайди какадилай эгечIда, яцралай хкечIда.
Чин якIукай я, кьил ракьукай.
Чуьнуьхардайла туьтуьнихъ кьван це гьахьна кIанда.
Чун и тамуз кьвед фена, кьуд эхкъечIин.
ЧукIул хирек хкIурди хьиз вуч хъел ава.
ЧкIулдик квай хеб хьиз ава.
Чинал ,чин эцигна, тапарардавай яргьаз.
Чарадан лянет алаз рекьидалди, халкьдин баркалла алаз хъсан я.
Чарад вегьимир, виляй, вун виляй аватда.
Чакъалди вечрел, жанавурди хпел.
Чатук кIаш, ламраз лаш.
Чехир хъвайиди яцIу жеда, тIач хъвайиди къуватлу.
Чубандиз хъуьтуьл месик ахвар къведач.
Чубандин гьамам, дагъдин къайи яд я.
ЧукIул цIурурдайди чичIекни къарпуз я.
Чин чIуру девлетлудалай, чин ачух кесиб хъсан я.
Чанда намус авайди кIвалах тавуна акъваздач.
Чубарукди муг кIвалера ийида.
Чарадан балкIандал акьахайди фад эвичIда.
Чубандин мес лит, хъуьцуьганни чанта я.
Чан сагъ хьуран, девлет жагьида.
Чарадахъ инанмиш хьайиди паб авачиз амукьда.
Чубан уях хьайила хпер динж жеда.
Чубандин юлдаш гъилевай лаш, къвалав гвай алабаш я.
Чубандин суьруьда авай сан гъилевай чумахъдал жеда.