Д

Дагъ дагъдал гьалтдач, инсан инсандал гьалтда.
Дагъдин кукIвал алай къиб деве хьиз аквада.
Дагъда яц рекьидайла арандавай лам шехьда (вичиз пар жеда лугьуз).
Дагъда къвада багъ авадан жеда, багъднз къвада дагъ авадан жеда.
Дагъ кьвацавайдан гуьгъуьна кьиф кьван авайди тахьуй.
Динж кац къулавай къарагъдач.
ДакIан ярдиз яр лагьайла эхир кьил пашман жеда.
ДакIандан тIур кIаняй къведа.
ДакIан тике сиве чIехи жеда.
Далдамдиз ламран хам герек я.
Далдамдин ван яргъай хъсан къведа.
Далдам алачир мехъер хьтинди я.
Далдамрал атана дявейрал хъфена.
Дели стхади фу хъсандиз пайда.
Деведин вичин суьрсет далудал ала.
Деве фейи гел амукьдач, цеквер фейи гел амукьда.
Деведни сарар авачирди перкьуь пешенлай чир жеда.
Деве акунани, акунач.
Деведин тIвар нар я.
Деве меккедиз финалди адакай гьажи жедач.
Деве кьейи араб хьтинди я.
Деведин гьи чка дуьз я, гардан дуьз жез.
Деведин хам ламраз пар я.
Деведилай чIехи фил ава.
Девлеглудаз пул, кесибдаз аялар бул.
Девечидикай мугьман кьурла варар гьяркьуьбур.
Девечидикай мугьман кьурла варар гьяркьуьбур жен.
Делидаз гьар югъ сувар я.
Делидаз виш лагьайтIани вичин гаф гъиляй ахъайдач.
Делидан дамни делид жеда.
Делидан пелел карч жедач.
Делидахъ яргъи япар жедач хьи.
Декьей къуьрен хам хутIумир.
Девлетлу кьейила фекьидиз хвеши жеда.
Дерт авайда дарманни жагъурда.
Дерт — дерт авайдаз ахъайда.
Дерт сад хьайитIа дарман жагъида.
Диде хьайила, буба жагъида.
Диде дакIандаз ватанни кIан жедач.
Дидеди тахайдаз стхани лугьудач.
Дидеди вичин велед паталди вич цIузни гадарда.
Дидеди хана, бубади хуьрай.
Дидедин перем рушаз кутугдач.
Дидедин чIарар веледри рехи ийида.
Дидедин къаргъиш галукьай баладихъ фу жедач.
Дидеди велед руфуна хвена, веледди диде рухунал.
Дувул галачир тар ярх жеда.
Дугъри кас завалдик акатдач.
Дуст кьун регьят я, дуствал кьиле тухун четин.
Дустунихъ югъур ашнадиз гъуьл жагъанач.
Дуствилел гатIумна, душманвал ийидайди виридалайни пис душман я.
Дуст чинал, душман кьулухъай рахада.
Дустуниз лугьумир сир, дустунихъни дуст ава.
Дуьнья арха галайданди я.
Дуьнья кьурвал фида.
Душман кIвачериз килигда, дуст чиниз.
Душман текьенмаз, кIвалах тавунмаз алатдач.
Душмандихъ галаз душманвал ая.
Душмандихъ далу акалмир.
Душмандиз муьгьтеж жедалди кьена зун селди тухурай.
Душман зайиф хьайитIани игьтияж гъиляй ахъаймир.
Душмандивай душмандиз писвал ийиз жедач, эгер дустуни тавуртIа.
Душмандиз гардан кIирдалди, кьегьялдиз кьиникь хъсан я.
Душмандиз жуван душманвал чирмир.
Душманди чинеба кьада.
Душмандив вил ахъайиз тамир.
Душман валара жеда, игит кIвалера.
Динсуздан къалум имансуз я.
Дерт гана, дарман ганач.
Дана хайи кал нехирдин кIвенкIве аваз хкведа.
Данадив мамар жакьваз тада регъуьдиз нек атурай лугьуз.
Данади гьарайналди кал нехирдай хкведач.
Дана кьейи кали нек гудач.
Дустагъдиз фидай рехъ гзаф гьяркьуь жеда, экъечIдай рехъ дар.
Динжвилиз ахвар, затI жакьваз сухвар.
Дахди я руш ханвач, я хвенвач.
Дахди хвенвай жунгавни цаниз физвач.
Дуьз лугьуз кIандачтIа, тапарар кьванни ийимир.
Дуьньяда сад хъсанвал, садни писвал амукьда.
Дуьньядин мал дуьньяда амукьда.
Дуьньяда виридалайни цетинди ахмакьди гъавурдик кутун я.
Дуьнья фана я, садазни тахьай.
Дуьньядин а кьил сагъвал я.
Душмандин кьинехъ ягъамир, папай пIирехъ.
Дана къаткай чкадилай яц къарагъна.
Далу галай кицIи жанавур басмишда.
Дана чIехи жеда, цур чIехи жедач.
Дана гана деве маса къачуна.
Дана хвейиди чIеме жеда.
Дана епинамаз, аял кьепIинамаз чир жеда.
Дарвилихъ гегьеншвални жеда.
Дарвили кесиб дагъдиз акъудда, девлетлуди арандиз.
Дарман авачир дерт авач.
Дуьз гафуни рикIяй тIеквен акъудда.