Гь

Гьакимдин виликай фимир, балкIандин кьулухъай.
Гьакьунихъ къекъведайдаз гьахъ жагъидалди чан туьтуьнай акъатда.
Гьахъ гьулеин батмиш жедач.
Гьахъданни нагьахъдан арада кьуд тупIунин тафаватвал ава.
Гьахъ эхирни винел акъатда.
ГьакI ацукьдалди кицIериз къван гайитIа хъсан я.
Гьай-гьайдал атайди вай-вайдал хъфида.
Гьай-гьай фена вай-вай ама.
Гьамишалугъ цифер, марфар жедайди туш.
Гьар са дердиниз са дарманни ава.
Гьам халкьдин кIвализ фин хьурай, гьам тайни вердишун.
Гьар са кардихъ гьахъ-гьисаб герек я.
Гьар затIуниз вичин чка ава.
Гьар куьре са дуст яхъ.
Гьардаз вичин рикI тирвал гурай.
Гьарда вичин рикIнкай хабар гуда.
Гьар са касдиз вичнн ватан ширин я.
Гьар хуьре меазил герек я.
Гьар цIарцI гудайди къизил жедач.
Гьар акатайдаз сир лугьумир.
Гьерекат види, берекат аллагьдинди.
Гьар са гуьзелдихъ са айиб жеда.
Гьарай-эвердал кар туькIурдайла ламра йикъа сакIвалер эцигдай.
Гьарам затIунал вил жемир.
Гьарам шейинихъ берекат жедач.
Гьардаз вичин чан ширин я.
Гьар са касдихъ вичин уст lap ава.
Гьарда са чIар гайитIа квасадихъ чуру жеда.
Гьар са гафунихъ вичин чка ава.
Гьар са экуь йикъахъ мичIи йиф, гьар са мичIи йифехъ югъни гала.
Гьар са заралди са акьул чирда.
Гьерекат закай, берекат вакай.
Гьерекат авачир кIвале берекатни жедач.
Гьерекь хъвадайдан чин хъипи жеда, тIач хъвадайдан чин яру.
Гьерекь хъвадайдан нер яру жеда, къатух хъвадайдан хъуьхъвер.
Гьарда вичин, девед кIвачин.
Гьайиф вун хьайила тIуьр хешил.
Гьая авачирдахъ иманни жедач.
Гьаясуздахъ инсаф, йнсаф авачирдахъ гьаяни жедач.
Гьуьжетдал туш, гьажетдал я.
Гьуй лагьайла нуькIвер катда, тахьайтIа къуьл тIуьна куьтягьда.
Гьуьлер целди, коммунист партия акьулдалди девлетлуя.
Гьуьле кьейиди къерехдиз ялда.
Гьуьрметди гьуьрмет къазанмишда.
Гьуьрмет авай чкада берекатни ава.
Гьиллекардиз багьна жёда.
Гьуълуьз вегьей къван хьиз квахьна.
Гьуьрмет къазанмишун четин я, писвал авун регьяд.
Гьуьрмет куьтягь тежер къимет я.
Гьикьван яргъал хайитIни дуьз рехъ хъсан я.
Гьарамда кIуф акьурдаз, гьалалда дад хгудач.
Гьажибугъда са твар кутурла вад ругуд кIаш гъида.
Ви кеф гьикI я? Арабадай аватай къарпуз хьиз.
Гьулдан винелай хада, инсан яцIувиляй.
Гьуьрметдиз гьуьрмет ая.
Гьар кицI элуькьайла гъил чилиз яргъи авуртIа, кикер аламукьдач.