Эйваз Теймуран хва Гуьлалийрин 1969-йисан 16-июлдиз КцIар райондин Чпиррин хуьре дидедиз хьана. Аял чIаварилай шиирар кхьизвай Эйвазан сифте шиир 1988-йисуз “Къизил Къусар” газетдиз акъатна. Гуьгъуьнин йисариз “КцIар-Къусар», “Самур» газетрин чинриз акъатай заридин эсерар “Чирагъ”, “Самур”, «АЛАМ» журналра, “Лезги газет”да, “РикIин гаф» газетра чап хьана. Азербайжандин Гьукуматдин Педагогикадин Университетдин математикадин факултет яру дипломдив акъалтlарай, алай аямда хайи хуьре муаллим кIвалахзавай заридин кьве улуб (“Цуьк аламаз хел хайи тар” 2004, “Алахъдач зун шеле кIватIиз епинал” 2008, "ЭКВ" 2014) басма хьанва. Са муаллимди хьиз ада тарс гайи, ВУЗ-ра кlелай, кlелзамай 80-далай виниз студентрал дамахзава. 2013-йисалай «АЛАМ» лезги културадин журналди туькlуьрнавай «МАРВАР» лезги литературадин кlватlалдиз регьбервалзава.
Добавить комментарий