Перейти к основному содержанию

Алибег Фетягьов

Алибег Фетягьов

ЧIехи шаир, ва гьикаятчи Фетягьов Алибег Фетягьович 1910-йисуз Куьре округдин Цмур хуьре дидедиз хьана. Хци зигьин авай гадади кIвале бубадивай кIелиз-кхьиз чирна, Кьасумхуьруьн мектеб ва Бакудин рабфак агалкьунралди куьтягьна. ДатIана вичин чирвилер артухарзавай жегьил лезги ва урус чIаларал лап савадлу хьана. Ада 1928-йисалай "ЦIийи дуьнья" газетда кIвалахна, лезги литературадин хрестоматияр туькIуьрунин карда иштиракна. Алибег Фетягьован сифте эсерар "Цlийи дуьнья" газетдиз акъатна. Ада са куьруь вахтунда цlудралди шиирар, поэмаяр ("ЭМ-ТЭ-ЭС" ва "Зарбачи Гьасан") шиирралди кхьенвай "КьатI-кьатI авур зунжурар" роман теснифна. Бажарагълу зариди лезги шиирар кхьинин тежрибада цlийивилер туна. А. Фетягьова лезги гьикаятдик кьил кутуна - сифте гьикаяяр ("Риза", "Бубадин веси", "Газет" ва мсб. ) теснифна. Абур лезги эдебиятда гьикаятдин лап хъсан чешнеяр яз тестикь хьанва. А. Фетягьова аялар патални са жерге шиирар кхьена, "Надинж аялар" тIвар алай кIватIал яз, печатдай акъудна. Зари 1934-йисалай СССР-дин писателрин союздин член тир. Адан яратмишунрин кьилин тема - хайи халкьдин уьмуьр ва бахтлу геле-жегдихъ ялзавай инсанрин кьисметар я. Заридин эсерар мектебра ва университетра чирзава. Писателдин ирс А. Агъаева, Гь. Гашарова, З. Биримбегова ва Р. Кельбеханова дериндай ахтармишна. А. Фетягьован яратмишунри лезги ва Дагъустандин халкьарин литератураяр вилик финиз дериндай таъсирна. Адан тIвар хайи хуьруьн мектебдал эцигнава.
1935-йисуз къанни вад йиса авай зари Магьачкъалада кечмиш хьана.

Акимов Къ. Х. «Лезги зарияр»

Рубрика

Комментарии

Имран
21.01.2024

Не найти вообще

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.