Ибрагьим Гьуьсейнов

И дуьньядиз ава вичин къенивал

И дуьньядиз ава вичин къенивал:
Хъартас хуьруьз рагъ янава гьуьлелай,
Гьихьтин меки янар гузва пелелай,
Дуьнмиш жезва, чандал къвезва кIанивал.
И дуьньядиз ава вичин къенивал.

Триолетар

Жуьреба-жуьр я инсанрин кьисметар.
Нивай вилик пад кьаз хьана кьисметдин?
Аваз чпин дадар, рангар, сифетар
Жуьреба-жуьр я инсанрин кьисметар.
РикIе аваз хьун мумкин тир гьуьрметар
Карагда сир дуьшуьш тахьай, хелветдин.
Жуьреба-жуьр я инсанрин кьисметар.

Кхьизва шиир

Шихнесира ярдикай кхьизва шиир.
Хазинадиз миллетдин хъфизва шиир.
Тарифзава бендеди зардин киферин,
Гъейридан ваъ, талукьдан-ярдин киферин.
Кьилихь фите-назнази, кIвачелни - чекме,
Къветрен ериш къекъуьнар. ТIвар вуж я?
 Секне?
Хуруда гуьл куьбечи - яргъаз физва ван,

Нерен вацI

Нерен вацIу, лепе гадриз лепедал,
Гьалзава пуд йикъан девран кьисметдин.
И гьайбатар алцумрай гьи уьлчмедал?
Кесибвилер амач накьан кьисметдин.
Сад ваъ, ина санлай ирид вацI ава:
Гьам деринвал ава, гьамни яцI ава.
Кьерен рува кьвал ацахьай кьацI ава:

Хиял

Виш кIам къимет авай гьар са стIалдиз
Къвезва вацIуз, вацIай физва къаналдиз,
Къаналдайни физва багьа стIалар
Жейран-Батан вириз авай Бакуда,
Гуьрчегвилел чIехибурни аялар
Мягьтелнавай, тарифнавай шумуда.
Виш кIамукай садан патав къах хьана,

Диде

Зи дидеди кварце аваз
Булахдилай яд гъида.
Зани зверна фена, гъил кьаз,
Жуван диде шад ийида.

Ширинди я булахдин яд -
Жемина цуз, хъухъ жуваз.
КIантIа хьурай зегьем тир гад,
Яд акъвазда къай чIугваз.

Банан

Африкадин яргъарай
Банан атана.
Цlахур патан дагъларай
Къурбан атана.

Дуьшуьш хьана Дербентдин
Базардин юкьвал -
Банан ала туьквендин
Баркаван кьацlал.

- Зун дагълара вердиш я,
Хуьр - Цlахур, тlвар Къурбан я.
И емиш гьи емиш я?