Эйваз Гуьлалиев

Къелем гъиле кьур береда

Илисна пIуз, алахьна зуз
Чешмедин рав мур береда.
Дава кIан яз ятаривай
Зун алугна кур береда.

Дуьня тирвал, къекъвена ях,
Уьмуьр я кьван, са куьруь мах.
Цав галай нихъ килигна шах,
И рикIе хал тур береда.

Гъезел

Вуч хъсан тир, хайи Ватан кIар хьаначиртIа,
Хайи элдал кьадар тIимил тIвар хьаначиртIа.
Кек къакъажна селлерикай хкуддай лезет,
Зи багъри вацI цацар алай, “цIар” хьаначиртIа.
Ахъайдай за лекьерин мах дегь лезги чIалал,
Зи генгешдал даим къвални хар хьаначиртIа.

Римма Гьажимурадова

Хайи чилел, хайи къванцел алкIана,
Зи гафари и накьвадал цIирзава.
ЦIверекI къачур къулан цIукай алкIана,
За йиферин аламатар чирзава.

МичIи йифер секин жеда, Римма вах,
Заз рикIерин мичIерикай кичIеда.
Жуванбуру чирнава заз кичIе жез,
Эквер чIулав рикIерикай кичIеда.