Алирза Саидов

Салам, Дербент

Гьуьлуьн лепе, квекай югъ-йиф рахазва?
Цававай гъед, квекай фикир ийизва?
АкI я хьи ваз: къенин гуьзел йикъаркай
Куьне цIийи “Дербент-наме” кхьизва.
Дербент! Дербент! Аскерри вун яракьдал,
Ашукьрини манийралди хуьз хьанай.
Заманаяр муьтIуьгъ тежер къеледин

Пуд игит

(Лезгийрин риваят)
Зи дагъларал - дагълар ала,
Синерални - син ала.
Дуьньядал а син муьтIуьгъай
Я инсан, я жин алач.
МуьтIуьгъарун патал а син
Атанва къе игитар.
Хкаж хьана, кард хьиз, жегьил,
Звал акьалтна ивидал.
Ирид далдам, ирид зуьрне! –

Дидеди мам вугай ч1авуз

Дидеди мам вугай чlавуз,
Зи шараг вун секин хьана.
"Шехьайдаз мам гуда" лагьай
Халкьдин мисал якъин хьана.

Аялвилин михьи накъвар,
Зи бала,ваз багъишда за.
Итим тирла шехьайтlа вун,
Сурайни ваз къаргъишда за.

Дишьегьли

Чатухъанди ихтилатна фикириз:
- Арифар, куьн акьада зи гъавурда,
Дишегьли - им ракь я, эгер ифириз
ХьайитIа, ам кIанивал на какурда.
- Ваъ, - лагьана чехирчиди, - дишегьли -
Туьнт чехир я, шад ийидай гуьгьуьлар.
Ахпа моряк рахана: - Эхь, халаяр

Баллада

ВацIал алай мегъуьн тар
Килигзава секиндиз.
Виш йисар я инсанар
Рахаз адан сериндик.
Акуна заз а тарцик
Министрни, шаирни.
Гафаринни тостарин
Хьанач кьилни, эхирни.
Сада хуруз гъуд ягъиз:
«Зун ви дуст я!» кьин кьуна.
Сада: «Зун ви стха я!» -

Лезги чIалан аламатар

Лезги чIалан аламатар чIехи я:
Дишегьлидин гафар къведа нурар хьиз.
Гекъигунар гевгьерар хьиз экуь я,
Тешпигьарни хци я лап турар хьиз.
Гагь зи чIала чинарри хьиз вишришда,
Гагь гьар са гаф вилин нагъв хьиз пашман я.
Булахди хьиз гагь вичин сес дегишда,