Мирзебег Эрзиханов

Къеле шегьер

Ажайиб вун ава наз гуз,
Дамахдивди къадим шегьер,
Кархана, хуьр, девлетрин жуз,
Мад ахцIуриз, гуз чаз бегьер.
Са пад - дагълар, са пад ви - гьуьл,
Дуьзен чуьллер, багълар уьзуьмд...
Ви мискIинрал рахаз билбил,
Навруз юкъуз ацIанва ким.
Гъилин хатI я ви акунар,

Вун атайтIа

Эгер, яр, вун атайтIа,
Ша гатфарин рагъ хьана,
Ачух гуьзел мензера,
Бул емишдин багъ хьана.
Вун атайтIа эгер, яр,
Гатун рагъ хьиз агата,
Экуь гуьрчег ярарай,
Хважамжам хьиз хката.
Ша духтур хьухь давадин,
Эбеди яз зулуз, яр,
Кьезил михьи гьавадив,

Зун я ви хва

Ви халкьдин гьал абад бере
КIеретI-кIеретI жеда дустар.
Кьулухъ къвазмир гьич са зерре,
Жуван ашкъ, сир, чирмир къастар.

Азабрик квай, хьайи бахтсуз
Халкьдихъ жеда тIимил арха,
Ша гьа чIавуз, ятIан(и) кефсуз,
Ачухдиз лагь: “Зун я ви хва”.

Яр, чи кинар

Вили цавук ккIанвай чил
Цифери кьур дагъдин кьилел,
Вахъай яргъа, яр, зун сефил,
Секинсуз я текдиз дагъда.

Дагъдин цIара физвай йисар,
Тик чархарал элкъвез лекьер,
Дагъди заз гьахъ ганай тарсар,
КукIушрал дуьз авач рекьер.

Дидед чIал

Гужлу саврухар, гугрумар цавун,
Къизгъин ракъиник булах я чаз вун,
Ажугъ ванерин дурумриз кIеви,
Ашкъидин суьгьбетар лиферин мили.

Гуьнуькъара юкъуз аса хьиз герек,
Хвеши береда зуьрне я зирек,
Дидед чIал хайи жегьилвал я чаз,
Дидед чIал вафалу гвачир гьич са наз.