Дамах ая

Яб це  вуна,  сиргъа хьурай ви япал
Вун велед я  чIехи  халкьдин  тIвар  гъвечIи
Гьар са чIавуз пайдах кьуна  дидед   чIал
Хайи чилел , пундал    дамах ая  чи !

Птул я вун машгьур шаир Далагьан,
Цикьвед лагьай виш йисара  уьмуьрай,,
Дамахдивди  теснифарай   чи   ватан
Дердер, гъамар  къаз  цIарариз элкъуьрай .

Гапур хьана  хурар  падай душмандин
Гьажи Давуд  хьурай даим ваз чешне ,
Лезги намус кьуна  рехъ хьиз имандин
Гъиз тахьурай  пак гуьзгуьдал  са  рехне!

Ярагъиди дерин гьуьл тир  илимдив
Гьазурнай са Шамиль хьтин къагьриман,
Асландин рикI  ганай адаз  кьатIунрив
Чапхунчийриз тагудайвал  гьич аман.

Ваз чидани КIири буба вуж ятIа
И   кьегьал кас  адалатдин  женг чугур?
Бубадин тIвар  къе мецерал  алатIа
Са чIавузни  лезгидин  юкь  жеч какур !

Имирали , Яралияр чахъ  ава,
Машгьур  тушни   игитвал  эл  убада?!
Къени вири    тажибдаказ  рахазва
КIукварнай гьикI душман лугьуз  Къубада

Алкъвадарви Эфендидин эсерар
Авайбур я  кьатIун - мана лап дерин,
КIелин чна кIанивилив гьа цIар- цIар
Чирун тарих чи ватандин  чилерин .

Яб це  вуна  сиргъа хьурай ви япал
Веледар  я чун са халкьдин лап   чIехи!
Гьар са чIавуз вине кьуна    дидед   чIал
Хайи чилел,  пундал    дамах  ийин   чи !

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.