Кьве дакIар

Зи дакIардай ви дакIардиз рекъер  авай,
На лугьумир кьатIуз тежез  завай, вавай .

Экуьн кьиляй зун ацукьдай ваз килигиз,
ДакIардин хел гагь ахъайиз ,   гагь   игисиз.

Ваз багьна тир акъваз туна  шуьше михьин ,
Заз лагьайIта ,  ацукьна гьа   кIелун,  кхьин…

ЦIар- цIар гудай  ви дакIарди    гуьзгуьди хьиз…
Заз  акI   жедай  вири дуьня    тек зиди хьиз!

Рахунач чун гьич са  гафни  вил вилеваз,
Гьич садрани мукьвал хьанач гъил гъилеваз…

Амма рикIяй рикIиз авай  са  муьгьуббат ,
КьатIай   ксар   гьейранарна ийидай мат.

На гуьзетна завай лугьун ашкъидин  гаф,
Завай хьанач айанариз кIанивал саф .

Кьисметди чун акъудна икI  гьар сад санихъ,
Чир хьухь,  къени   а гьисcерихъ    я зун   къаних…

И мукьвара  зи рехъ фенвай мад а патахъ,
Акурлахъди  нагагь са фул  акатна захъ:
 
Ви дакIарди   са шумуд къат  руг къунавай,
Зи    дакIардик   чубарукди   муг   тунавай…

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.