Къе ви мехъер...

Им  вуч кьисмет ,им вуч къугъун
Ви мехъерик  гала  къе  зун,
АцIанава  къе  ресторан
Сиве сивди –пуд виш инсан,
Гьар сад вичин  са кефина,
Къенин юкъуз ава ина,
Сада незва гишинда хьиз,
Вилик галай тIуьнар михьиз,
Са масади акъваз туна
Къуншидин гъил гъиле кьуна
Рахазава алатна ван
Ихтилатар жегьил чIаван.
Гьарайзава тамадади ,
Гаф  лугьузва  са гадади,
Сада    зи яб акъудзава
Хиялривай   къакъудзава
Ягь кван лугьуз «Перизада»
КукIварзава    стол   ада…
Ацукьнава  зун вири хьиз
Тахтунавай ваз килигиз..
Тек зи рикI я тазавайди
Вири къене твазавайди.
Дар я къе заз    цавар ,чилер
Алуд  тежез    валай вилер.
Агь  вуч иер аквазва вун
Лацу лиф хьиз вили цавун,
Бурма  чIарар гьатна  пеле,
Хабар туш ваз закай гьеле..
Гъил гъилева са чарадан
Бес  ругь    ятIа ви авадан?
Яраб зун ваз  акунватIа?
 Вун   гъавурда акьунватIа
Я тахьайтIа  хъел ава ваз
Вил ягъайла  гьа зун акваз ?
Ингье , гила къвезва макъам
Чамран -сусан кьулуьн макьам…
На хкягьай чам яни им?
Эхиз жедай гъам яни им?
Ягъазава зи кьилиз тIал
Къведачни  бес  вилел стIал?
КIеви  я  зи   бахтунин рак
Ваз свасвилин  тахт мубарак -
Лугьуз –лугьуз  экъецIда зун
Мярекатдай  галаз  зурзун
Япараваз къенин гьава :
«…Чамран   кIвализ свас къвезава»…

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.