Лугьумир...

Лугьумир на - кичIезва ваз
Жуваз жуван байихрикай,
Жезвач вавай са хабар къаз
Ашкъи патал къарихрикай.

Лугьумир на- къван я ви   рикI
КьатIузвачир    зи   кIанивал ,
Гьикьван чIавал  эхин за  икI
Давамда жал  ви  къайивал ?

Лугьумир на-  тIимил амай
Вавай яргъаз къакъатиз зун,
Ашкъи  лугьуд    и  ахварай
Бизар хьана аватиз  зун.

Лугьумир на- залан я заз
Чаравилер   жезвач эхиз.
Са легьзеда   яб це, акъваз,
Дерт ийимир на заз чIехиз.

Лугьумир на, лугьумир ша,
Ягьанатар   вугумир  ша !
Ашкъи  даим  вине кьуна
Санал чIуган и гъам  чна !

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.