Ихтияр це

Ихтияр це, садра хквен ви  патав,
Гьич тахьайтIа яргъарилай килигиз,
ГъерикIвили ийизва зи югъ чIулав
ЦIай  элуьхъна, гум алатай   са къул  хьиз.

Ихтияр це, кьве гаф хъийин вахъ галаз,
А верци ван галукьрай мад япарихъ.
Вач ахпа вун ,шегьре рекъер хьурай ваз,
Айиб авач, алукьрай  зун капарихъ.

Ихтияр це ,темен хгун пIузарриз,
Гъил алтадин къалин яргъи чIарарал,
Кхьин ви тIвар экв гудай са чирагъ хьиз
КIеви хьанвай зи бахтунин варарал.

Ихтияр це, кIанивал хуьн рикIе за ,
Хазина хьиз шумуд къатин къеневаз.
АгакьдатIа  вав   ашкъидин  и суза
Гьич тахьайтIа ,фидайла  зун  къуьнеллаз?..