Хар хьана

Четин я хьи а ви вилер галачиз
Гьар гьалтайла чинебадик килигдай,
Ихтилатар ширин  ширин амачиз
Зи умудриз  лекьрен лувар илигдай.

РикI шезава цIигел яз а къаматдихъ
Жейранди хьиз къекъвез тек заз наз гудай.
КIанивилин багъчадихъни багъатдихъ
А верцивал кумач гила   чаз чидай .

Гьикьван вахт я зи дуьнядин наварни
Какахьнава туьхкуьуруьн гьич жен тийиз.
Амач вакай гьич тахьай са хабарни
Хкведач  жал чимивал зи байихриз?

Декъикъаяр яргъи хьанва йисар хьиз,
Гьижран рикIяй   кватнава са пар хьана
Лугьумир чаз  авамвиляй  чин тийиз
Чи ашкъини  алатнава хар хьана ..