Перейти к основному содержанию

Лезги чlал

Багьа я заз, уьмуьр хьиз, зи лезги чlал,  
Ифирнавай чатухъандин къати цlал. 
Рекьидалди акъат тийир кlарабрай,  
Туруни хьиз, акъуддай зун азабрай.        

Чlала тунва чи сивера мез ширин,  
Ада чирна алуд ийиз дерт серин,  
Къуват гана, гъалиб жедай, женгина,   
Гьахьна рикlе, къизмишвилин ялав хьиз,       

Ам къекъвезва зи манид гьар бендина.
Дуствилелди, стхавилин къулав гъиз,  
Руьгь кутуна чак садвилин, ашкъидин,  
Чим гузава мерд рикlиз гьар лезгидин.       

Рахурзава чlагъан, чуьнгуьр, далдам, тар,  
Машгьурзава хуш авазрал чи патар. 
Эминанни Сулейманан ял галай, 
Тарихдал чан хкиз авай, зар алай.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.