Зи багьа хуьр

Зун яшамиш хьана сифте хуьре зи,
Булахрай яд хъвана, зверна яйлахрай.
За гьамиша жув тухвана жуьре зи,
Хьана вик1егь ана вири к1валахра.

Лезги хва я ам халис, заз лагьана,
Авай вичихъ вичин намус, сабурни.
Герек ч1авуз ник цана, дагъ ат1ана,
Хвена ягьни, къанажагъни абурни.

Гила хьанва зун анивай яргъара,
Кьилел кузвай рагъ арандиз акъатна.
Акваз йифиз ам багьа заз ахварай,
Чаравилин фикиррик зун акатна.

Гагь-гагь, юкъуз циф кьилеллаз аквадай,
Хайи хуьряй пис хабарар къведа заз.
Адан к1ваче къван акьурла хатадай,
Зи к1вачени ам акьур хьиз жеда заз.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.