Перейти к основному содержанию

Баллада

ВацIал алай мегъуьн тар
Килигзава секиндиз.
Виш йисар я инсанар
Рахаз адан сериндик.
Акуна заз а тарцик
Министрни, шаирни.
Гафаринни тостарин
Хьанач кьилни, эхирни.
Сада хуруз гъуд ягъиз:
«Зун ви дуст я!» кьин кьуна.
Сада: «Зун ви стха я!» -
Истикандин син кьуна.
«Вафалувал», «Игитвал»
Гафар вацI хьиз авахьна.
Гарал фейи пешер хьиз
И тарцелай алахьна.
Мегъуьн тарциз акуна
ТIурфанарни, къаярни.
Инсаф тийиз галукьай
ЦIайлапандин цIаярни.
Амма ада рей ганач
ТIебиатдин зуруниз,
МуьтIуьгъ хьанач мегъуьн тар
Девиррин терс туруниз.
...Бирдан къе ам ярх хьана
Тапарриз таб тагана:
Итимри кьур кьинерин
Бушвал эхиз тахьана.

Рубрика

Комментарии

нисе
18.12.2017

Ну что сказать,мой любимый поэт / мад вуч лугьуда,зи рик! алай шаир

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.