Шезва цавар, шезва чилер

Сагърай эллер! Жанавурдиз
Кьасаб авур кIел я Саяд.
Къвемир, стха, вун зи патав,
Вав уьмуьрлух хъел я Саяд.

Вучиз заз цIуз рум гузава,
Бес зун ви вах Саяд тушни?
Де куьне лагь, я жемятар,
Заз хьайиди инад тушни?

Камаридай гуьл аватна,
Саядан рикI кайи югъ я.
Заз айибмир, я чан вахар,
Къе зигьин кур хьайи югъ я.

Вун стха туш, душман я зи,
Агудмир зав къанлу гъилер!
Физава зун къариблухдиз,
Шезва цавар, шезва чилер.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.