Диде, вуна зун куьз ханай,
Катна закай къакъажна кьил?
Зун верч кьейи цицIиб хьана,
ЛипIлипIри зи алажна кьил.
Кеф чIугу квез дидед лувак,
Я асайиш бахтикъара.
Чаз дидеяр аквадайд я,
Гьатайла кьве вил ахвара.
Булахд рекье цурун квар гваз
Пампасияр ширин яни?
Стхад папа заз лугьуда:
"Ви некIегъан гичин яни?"
Чалагъандин пацук кваз рикI,
Зун хьанава къурвах, диде.
Вун гьинава зун гадарна,
Балад рикIин даях диде.
Ви эхират кIвал къени хьуй,
Зун мукьварал жед ви мугьман.
Гьана кьван зи хер сагъара,
Я баладихъ авай лукьман.
Рубрика
Добавить комментарий