Исмаилаз

Я Исмаил, ви тупрахда
Залум йифер гьикI акъудда?
РикIе ярдин къамат аваз,
Бес вун рикIив гьикI агудда?

Зи гьамгадин, вилин накъвар
Ваз дердерин булах хьурай,
Вун регьимлу инсан ятIа,
Вун стха, зун ви вах хьурай.

Къалурмир заз къанлу суфат,
Вун зи рикIиз къанва, залум.
Зун дишегьли, вун итим яз,
Ваз Аллагьди ганва, залум.

Я гурмагъдай акъатай гум,
Алада вун гьуьлералди.
Кьиникьикай низ кичIеда
А ви алчах гъилералди?

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.