РикIиз кIани, азиз къелем,
Ви техилар авадан хьуй!
Хуьре-хуьре дагъ уьцIена,
Залум душман кьейи ван хьуй.
Залумарин гужар акваз
Ширин чанда къекъвена гум.
Азиз къелем, вун гьинава,
Гужалди цIу гая заз рум.
Ви рикIикай гьулдан ая,
Жува жуваз гуз теселли.
ТакIан вак зав агатдалди
ЦIай куькIвена куд ви Исли.
Гуж зурба я, айибмир на,
Зун душмандиз фея лугьуз.
Азиз къелем, гьарай гила,
Ви яр Саяд кьея лугьуз.
Рубрика
Добавить комментарий