Кавхадиз

Жеч ина ресед-салагъа,
Я эллер, чун инлай чкIин.
Вядед кьванни хуьр элягъа,
Белки, чаз масанал туькIуьн.

Гьикьван ягъайтIан укьне юкI,
Къведач инал я кIан, я кIукI.
Жемятар куьн инлай чукIукI,
Ая кван са маса мумкин.

КIватI жеда куьн гьар агъсакъал,
Гъиле кьуна теспягь, къукъвал.
ГьакI нубатсуз из къалмакъал,
Динж куьз тадач куьне мискин?

Жафад хьана и кент-худа.
Кьве кепек пул туртIа гъута,
Жемятарни маса гуда.
Инсафсузвал вуч я рикIин!

Итим я лугьуз вич хаса!
Эхир на чун гуда маса.
Гъиле кьуна къукъвад аса,
Им чи винел хьана кескин.

Чмр жезмач чаз ийир-тийир.
Гьич гудайд туш им чаз хийир
СтIал Сулейман я шаир –
Тiем акьадач ман, за гьикIин!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.