Регъуьхбан

Алдатмишиз кесиб яркIар,
Амалар ква вак регъуьхбан,
Аквазва заз, бед я ви кар,
Квач ви сивик рак, регъуьхбан.

Шагьаддикай хьурна зирба,
Секлемдилай хейлин зурба,
Раж регъвез гъайила араба,
Ухкуз са тапрак, регъуьхбан.

Цава туна са регъуьн къван,
Гьар къуз хъуьчен25 ийиз кьакьан,
ГуьтIуь хьуй ваз сурун лакьан,
Вакай хьуй са вак регъуьхбан.

Алид гафар къамир ужуз,
Вири хьиз ам хьурна ажуз,
Кьейила кьисмет тахьуй ваз жуз,
Дуьа, игьсан, як, регъуьхбан.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.