Рагъ авачир мичIи къуза
Ракъинай кьаз жемир, нагьакь,
Вал фелекди гъида къаза,
Гьахъсуз рекьиз къвемир, нагьакь.
Нагьакь касдиз гудач мажал,
Мукьвал жеда адан ажал,
Галукьда вахъ мерездин тIал,
Эллерин як немир, нагьакь.
Мерд инсандиз гуда на чан,
Низ герек я намерд инсан,
Са арадлай жеда пашман,
Ахпа гъамлуз шемир, нагьакь.
Нагьакьдахъай Режеб катда,
Зи гъавурда вун геж гьатда,
Гьа ви фуруз вун аватда,
Гьам я элдин эмир, нагьакь.
Рубрика
Добавить комментарий