Гъур

Шукур хьуй ви чIехивилиз,
Гъурал вацIун яд жезава.
И меслягьат фирай кьилиз,
Лугьуз чи фергьяд жезава.

Гил чи халкьар амач авам,
Гьар са затIдив хьана тамам,
Хийирлу кар ийиз фаггьум,
Крариз чун устад жезава.

Яд атайда Гъурун хълухъ,
Чаз гьар са затI жеда буллух,
Мад ахквадач и гъариблух,
Лугьуз чи рикI шад жезава.

Чи Ахцегьар хьуй авадан,
Виридаз жеда багъни бустан,
Ужуз хъжеда Дагъустан,
Гъурукай Багъдад жезава.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.