Пакаман шагьвар

Пакаман шагьвар, зи факъир гьалдикай
Агакьва сес яргъа авай эллерив.
Зулумрикай фелекдин, чав къалрикай,
ЦIигел хьункай, лагь, зун къизил гуьллерихъ.

Зи гъам чIугваз дидед рикIел хьанва тагъ,
Кими тижез вилерилай туькьуьл нагъв.
Зи бахт, вичел хажалатрин алаз дагъ,
Аватзава дерин-дерин вирериз.

Гурлу селлер къупмиш хьанва азгъундиз,
Къати я гар элкъвезвай чайгъундиз.
Лейлидивай къакъатнавай Межнун хьиз,
Авара яз катнава зун чуьллериз.

Жуван миллет маса гун туш жедай кар,
Мусибатри тавурай чаз дуьнья дар,
Чи миресрив агакьра зи дуьз хабар,
Аватункай лагь зи гими гьуьлериз.

Къадир я зун шадвал такур гьич кIвале,
Хажалатрин залан пар я зи шеле,
Ажалди вахт ганва, кьенвач зун гьеле,
Кхьена, дерт пайзава за эллериз.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы