На яд гъана авуна чай,
Ви гъилелай кIанда заз пай.
И хуьрера авач ви тай,
Къирмаждин буй авай гуьзел.
Ажеб къешенг расна кьечIем,
На кьечIемдиз янава чIем,
Лацу чандив чIугваз тур дем,
Къирмаждин буй авай гуьзел.
Вуч хъсан на расна зилфер,
Ваз килигда гзаф эллер,
Йигаз къвазна чIулав вилер,
Къирмаждин буй авай гуьзел.
Пелел ала пуд тIуб буфта,
Перем я ви къацу тафта,
Гъуьл кIвалевач дуьз са гьафте,
Къирмаждин буй авай гуьзел.
Худади ваз ганава суй,
Мардилидкай кефи тахуй,
Са аш ая – лагь на заз хьуй!
Къирмаждин буй авай гуьзел.
Рубрика
Добавить комментарий