Фад-фад илифа «МАРВАР»!

Фад-фад илифа «МАРВАР»

26 сентябрдиз ряденихъ Дербентда С.Сулейманан тIварунихъ галай Лезги театрдин гъенел чIехи гъалабалух авай. Мукьвара 2000 йисан юбилей кьиле тухвай, Къавкъаздин медениятдин меркез тир и шегьердиз Дагъустандин-Азербайджандин дуствилин обществодин эверу­- налди, «Алам» журналдин хел тир "Марвар" тIвар алай литературадин кIватIал илифнавай. Сятдин 18-даз театрдин чIехи залдин варар атанвайбуруз ахъайнавай. Иниз Дагъустандин саки вири лезги районрай муаллимар, поэзиядал рикI алайбур, гьакIни чи алимар, зарияр агатнавай. Межлис «Алам» журналдин кьилин редактор Къурба­- налийрин Камрана ахъайна, «Марвар» кIватIалдин кьил шаир Гуьлалийрин Эйвазахъ галаз тухвана. Дагъустан-Азербайжан дуствилин обшестводин президент Абдулкъафар Агьмедова вичин чIехивилин гаф лагьана. 
Нубат шиирдин, манидинди хьана. Азербайжандай атанвай зарияр тир Вакъиф Муьшкуьрвиди, Зерифади, Риммади, Гуьлалийрин Эйваза, Бести Ниф- тиевади, гьакIни Сажиддин Саидгьасанова, Волгограддай хтанвай Гьилал Аскерова чпин шиирар лагьана. Чи сейли манидарар, «Алам» журналдин «Лира» премиядин чара-чара йисарин лауреатар тир Фаризат Зейналовади, Руслан Пирвердиева, Магьира Шириновади, Ашукь Шемшира, гьакIни межлисда чара-чара шаиррин шиирар лагьай КцIарви Мегьман Саруханова межлис мадни иерарна. Чун жегьил шаирар патал межлис хиялдиз гъиз тежедай кьван хъсанди, рикIерай садрани алат тийидайди хьана. Эйваз муаллимди чун жегьил шаирар- Марсел Ризаеваз, Дилмира Ашурбеговадиз, Владик Батмановаз, Гулфия Пирогъланова, Саира Сефибегова, Мадина диз, Зарина Муста­- фаевадиз, гьакIни и цIарарин автордиз санал сегьнедиз эверна, элдин вилик акъудна, чав шиирар лугьуз туна, агалкьунар мурадна.

Ахцагь Сулейман,
«Аламдин» корреспондент

P.S:
“Алам” журналдин редакциядин коллективди Кьасумхуьруьн “Эксклюзив ТВ-дин” регьберриз чаз Дербентдин мярекатда авур куьмекриз килигна паракьван сагърай лугьузва.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.