Асул шаир диде я зи...

Векъи вацIарин, ргазвай булахарин, йиф-югъ авахьзавай гургуррин, лекьери чархар ягъазвай рипер хьтин синер алай дагъларин къужахда авай са хуьр. Инаг Лацар я. Къе мугьман-къарадин гъиляй кьарай атIанвай лацувияр асирралди вилив рехъ хуьз и дагъларик, булахрик, вацIарик, гургуррик, цуькверик... галаз рахаз хьана. И маканда бубайрин ирид къатина ацатдай вишералди мисалар, бадейрин суза галай баядар арадал атана. Са гафуналди, ина ханвайди шаир тахьун, чка атайла кьве чIал талгьун мумкин туш. “-Зун шаир туш, ибур гьакI кьарай паталди туькIуьрайди я,”-лугьузватIани, чи редакциядин мугьман Мегьрали Лацуви халкьдин саки вири лезгийрин мел-мехъеррик лугьузвай машгьур авазрин, чIаларин автор я. Адан иллагь хьи, "Лацувид руш, лацувид гада", "Чан Лацар", "Наврузбеган хуьр" хьтин чIалариз тIвар-ван авай композиторри музыка туькIуьрнава: Пуд пад вацIар дамар-дамар, Чи яйлахар чичIид гамар, Кьилик чIехи чи Шагь дагълар Дагълар къене цуьк я Лацар. -лугьузвай Мегьрали Лацуви (Мегьрали Летифан хва Нагъиев) 1947-йисуз Лаца дидедиз хьана. Юкьван мектеб Кузуна акьалтIарай жегьилди чкадин майишатда фяле, монтёр, селпода туьквенчи, културадинни туризмадин отделда памятникриз килигзавайди, хуьруьн беледиядин седри кIвалахна. Ам гафунин, чIалан суьгьуьрда гъвечIи чIавалай гьатна. Мегьралидин диде, рагьметлу Майтаб баде саки шиирдин чIалал, авазрал рахадай. Мегьрали ваз хьурай къурбан Чан цуькведив дигай Ватан, Дагълар къене кьуна макан Зи рикI, иман чан Лацар хуьр!-хьтин рикIин къеняй къвазвай мили чIалар туькIуьрнаватIани, Мегьрали стхади "асул шаир зи диде я"-лагьана-жедатIа адан мецелай за кIватIнавай баядар газетдиз акъуда куьне". Чна поэзиядал рикI алай, халкьдин сивин яратмишунрал кьару инсан тир Мегьрали Лацувидин тIалабун кьилиз акъудна Майтаб бадедин баядар кIелзавайбурун ихтиярдиз гузва.

Майтаб бадедин баядар

"Кцlар" газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.