Перейти к основному содержанию

Цlийи кlватал "МАРВАР"

Бакуда авай литературадал рикI алай лезгийри чи чIал, литература вилик тухунин рекьяй чIехи кIвалахар авунва ва ийизва. “Самур” газетдин, “Чирагъ”журналдин алакьунар гьар са лезгидиз чизва. Шаз, 2012-йисуз, Къурбаналийрин Камранан алахъунралди “Алам” тIвар алай журнални акъатиз башламишна. “РикIин гаф” тIвар алай литературадин кIватIал чкIайдалай кьулухъ лезги чIалал кхьизвайбур сад-садав агуд тежез гзаф вахт тир. Ингье и мураддив чун “Алам” журналди агакьарна. И журналдин редакцияда “Марвар” тIвар алаз лезги литературадин цIийи кIватIал кардик акатнава. Ана Вакъиф МУЬШКУЬРВИДИ, Римма ГЬАЖИМУРАДОВАДИ, Билал АДИЛОВА, Зиядхан МУРАДХАНОВА, ГУЬЛАЛИЙРИН Эйваза, Бести НИФТИЕВАДИ, Анар УЬНУЬГЪВИДИ, Орхан КЦIАРВИДИ, Элтудоди (Элшад ЛЕБИБОВ), Жалал ЖАЛАЛОВА, Абир ЭЧIЕХВИДИ, Руслан ШЕЙДАЕВА ва хейлин маса ксари чпин алакьунар раиж ийизва. И кардиз куьмек гузвайди Азербайжанда авай кьадардиз тIимил тир халкьарин чIал, литература чирзавай, абурун чIаларал улубар, алфавитар, йикъарганар акъудзавай, чIалар вилик тухун патал чIехи алахъунар ийизвай Европадин “UFUQ-S”ММС компания я (Директор - Ван Дер Спуж Ролеоф Жагьаннес). “Марвардин” кьиле бажарагълу шаир Гуьлалийрин Эйваз хкянава. Ада гъиле кьунвай и пак карда чIехи агалкьунар жедайдахъ инанмишвалзава. И тешкилатдин членар гьар вацран сад лагьай киш юкъуз санал кIватI жезва.

Зиятхан МУРАДХАНОВ
Лезги газет

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.