Уста Мардали Миграгърин хуьре 1820-йисуз Асваран хзанда дидедиз хьана. Ада, вири вичин яргъи уьмьурда дерзичивал ийиз, хизан хвена. Самур ва Куьре дерейра, Къуба пата Мардали тефей хуьр бажагьат жагъин. Гзаф йисар ада шаир Кесиб Абдуллагь хайи хуьр тир Манкъулида акъудна. Мардали савадлу, дуьньядикай хабардар, рикI михьи, анихъ галай инсандикай хабар кьадай кас тир. Вичин рикI тIар ва я шад авур, вичиз таъсир авур крарикай ада чIалар туькIуьрдай. Жемятдиз уста Мардалидин чIалар бегенмиш тир, вучиз лагьайтIа адани, етим Эмина, Ахцегь Гьажиди, Малла Нуриди ва маса лезги шаирри хьиз, зегьметчи инсандин дерди гьалдикай, гьа аямдин татугайвилерикай кхьизвай. Уста Мардалиди вичин чIалар жуьреба-жуьре месэлайриз бахшзава. Абурун арада мугьуббатдин, яшайишдин, насигьатдин ва сатирадин эсерарни гьалтзава. Уьмьурлух вичин зегьметдал яшамиш хьайи ва халкьдиз къуллугъ авур уста Мардали 1927-йисуз кечмиш хьана. Шаирдин чав агакьай эсерри революциядлай виликан лезги литература мадни девлетлу ийизва.
Акимов Къ. Х. «Лезги зарияр»
Добавить комментарий