Зурба ватанперес ашукь ва шаир Лезги Эгьмед (1762-1840) тахминан XVIII виш йисан кьвед лагьай паюна виликан Къуба уезддин (гилан Къусар район) Вурварин хуьре лежбердин хизанда дидедиз хьана. Лезги Эгьмед дуьньяда къекъвей, гьа девирдин гьар са кардикай хабардар, халкьдиз къуллугъ авур шаир тир. И кар Лезги Эгьмеданни азербайжанрин тIвар-ван авай ашукь ва шаир Хесте Кьасуман (XVIII виш йис) гьуьжетдин чIаларай ва маса шииррай хъсандиз аквазва. Абурун дейишме (гьуьжет) гьеле 1894-йисуз печатдиз акъатнай. Кьуьчхуьр Саидан вилер акъудай Сурхай хандиз шиирралди зурба туьнбуьгь авур Лезги Эгьмеда вичин эсерра гьа гьахъсуз аям дериндай русвагьна ва ханаринни беглерин инсафсузвилерихъ эхир жедайдахъ инанмишвална. Шаир XIX виш йисан сифте паюна кечмиш хьана.
Акимов Къ. Х. «Лезги зарияр»
Добавить комментарий