Перейти к основному содержанию

НуькI хала

Хьана кьван, хьанач кьван са къарини са свас. Йикъарикай са юкъуз къаридинрикIел тIанурдин фу акьалтда. Ада сусаз лагьана:
- Вуна фена тIанур куг, за фу акьалин.
Суса тIанурдиз цIамар, кьалар вегьена, цIай ягъиз алахъна. Амма тIанурди цIайкьунач. И арада са нуькI атана тIанурдин къерехдал ацукьна. Ада сусавай вучизперишан я лагьана, хабар кьуна. Суса хьайивал ахъаяйла, нуькIре, вичин кIвачяйса цаз акъудна, тIанурдиз гадарна. ТIанурди гьасятда цIай кьуна. Суса фу чрана. НуькI фу акъуддалди акъвазна, ахпа ада лагьана:
- Я зи цаз вахце, я заз пуд фу це.
Сусаз чара амукьнач, ада нуькIрез фу гана. Пуд фуни къачуна, нуькI фена. Фена,фена, агакьна ам ятахрал. Чубанри фу галачиз гьакIан нек хъваз акурла, нуькIрелагьана:
- Куьне нек фу галачиз вучиз хъвазва?
Чубанри жаваб гана:
- Чаз фу авач.
НуькIре вичин кьулакай хкудна абуруз пуд фу гана. Чубанри фу тIуьнакуьтягьайла, нуькIре лагьана:
- Я зи пуд фу вахце, я заз са гьер це.
Гьерни вахчуна нуькI мад рекье гьат хъувуна. Ам далдамдин ванер къвезвай сагъенел гьалтна. Ина адаз яхун гьайванар тукIуна, шурваяр ийизваз акуна.
НуькIре абурув гьер гана. Мехъер куьтягь хьайила, нуькIре лагьана:
- Я зи гьер вахце, я свас заз це.
НуькI свасни вахчуна рекье гьатна. Адал са ашукь гьалтна. НуькIре ашукьдизлагьана:
- Чуьнгуьр гайитIа, за ваз свас гуда.
Ашукьди чуьнгуьр нуькIрез гана, вичиз свас къачуна.
НуькIре чуьнгуьрдихъ галаз манияр лугьуз хьана:
ЦIингил-мингил, нуькI хала,
Са цаз гана, пуд фу къачур нуькI хала,
Пуд фу гана, са гьер къачур нуькI хала,
Са гьер гана, са свас къачур нуькI хала,
Са свас гана, чуьнгуьр къачур нуькI хала.

Рубрика

Комментарии

Рафик малим
25.12.2016

Это что за авторитетная птица такая, никто не может ей отказать.

Агьмедпаша
07.01.2017

Ахьтин амалдарар алай вахтунда т1имил авани, раб кутуна, риб хкуддай?!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.