Р

РикIе авайди ваз, меце авайди заз.
РикIе авайди, меце ава лугьуз жедач.
РикIел татайди, мецел къведач.
РикIе сад, меце масад авайди хаталу я.
РикI акъудна къадуриз жедач.
РикIиз такунмаз, вилиз аквадач.
РикIиз вичин дуст чир жеда.
РикIин куьлег мез я.
РикIиз кIан хьуналди, гъилиз къведач.
Ракь цIу тухузвач хьи, тадивал вуча.
Ракь ифенмаз гатана кIанда.
Ракь акур чинер хьиз квахьна.
Ракьар целце чуьнуьхиз жедач.
Рагъ акур живедикай яд жеда.
Рагъ гурмагьдай аватайла хьуй мал.
Рагъ атайла гачала вичин кьил чухвада.
Рахайдан сарфа тарахайда тухуда.
Ракьун кьилни, гьулдандин мез.
Регьуьн паквар недай кицI регъве рекьида.
Рекьимир цIегь, къацу векьер акъечIда.
Рехъ тефеимаз куьтягь жедач, кIвалах,тавунмаз.
Рекьин юкь кьуна вач.
Рекьир кIеле квIачер юзурайла жанавурдиз хвеши жеда.
Руфуна загI авач сиве дад.
Руфун тух, вил ичIи.
Руфуниз дакIандайди, тек са чукIул я.
Руфуник каш акатайдан, гъилерик гьерекат акатда.
Руфун гишиндиз ахвар къведач.
Руфун тух хьайила мекьи жедач.
Руфун дакIурдаз мухан фу багьна я.
Руфун цавална къаткуналди тIуьн аллагьди гудач.
Руш дидедал, гада бубадал къведа.
Руш парка хьуй, бахт экуь.
Руш хайитIа ваз, гада хьайитIа заз.
Руш хайи сваса гадани хада.
Раб кутада, риб хкудда.
Раб чувалда чуьнуьхиз жедач, ам гьикI хьайитIани дуьздиз акаътда.
Рапан къуькъуьм хана, кIвалин фу атIана.
Рахардан сив кьаз жедач.
Рагъул циз рахул вегьида, илцифрай лугьуз.
РакIар ахъа мискIидиз ламни фида.
РикI туькIуьлдан мезни туькьуьл жеда.
РикI тIа жедалди, гъилер тIа хьун хъсан я.
РацIам дуьзариз кIан хьайила, вил акъатна.