Рагарай рехъ-хвал атIана,
Зирингдаказ чешмеди.
БацIиди хьиз хкадариз,
Чукурзава дередиз.
Ана вацIук акахьна ам,
ВацIуни ам агъмишна.
Чешмедин яд гур лепеди
Гьуьл галайвал ахмишна.
Чешмедиз фад дерт-гъам хьана
Гьуьлуьн гъурбат ятара.
Бугъ къарагъна мад гьуьлелай,
Булут хьана цавара.
Дагъдай атай гур гарари
Куьзна марфар булутрай.
Хъвана ятар бул чуьллери,
Звал гъиз чешмед умудрал.
Чешме, ширшир ван ацалтна,
Чуьлдин хурал ргазва,
На лугьуди бацIи я ам,
Къацу чIурал къугъвазвай.
Рубрика
Добавить комментарий