«МАРВАР» КцIара

Бажиханум Исаева, Зерифа Къасумова

КцIар шегьердин улубрин кIвалин кIелдайбурун чIехи залда зи рикIяй тир, чна фадлай виливди хуьзвай зари Зерифадин «СтIалрин гьуьл» улуб чинал акъуддай мярекат кьиле фена.
Вини гьавада кьиле фейи и мярекатдиз Хачмаз райондай Багьрам Залов, Вакъиф Муьшкуьрви, Римма Гьажимурадова, Шихжамал Шихметов, Шагьмардан Агъакишиев, Къубадай Рамиз Къусарчайлы, Закир Меммедов, Мегьсим Кьасумов, Севинж Меммедова, Бакудай Дарвин Велибеков, Абир ЭчIехви, Руслан Щейдаев, Адил Къайибханов, Этибар СтIурви, ГьакIни КцIар райондай Видади Севзиханов, Гуьлалийрин Эйваз, Зиядхан Мурадханов, Лезги Бегьлул, Гуьнеш Мевланов, Эсмира Бейбутова, Жейгьун Агъабеков, Расим Кьасумов ва мектебдин аялар тир Фатимани Мегьамдали Мамедалиевар, Татяна Гуьлагьмедова, Иера Мурадханова чпин рикIин гафар лугьун патал атанвай. Яб акалун патал атанвайбурун аради райондин экв алай ксарихъ галаз улубрин кIвалин кIвалахдарарни авай.

Вирида чпин гаф лагьана, шаирдин улубдикай, уьмуьрдикай ихтилатарна, агалкьунар мурадна. И «Марварда» сифте яз чи дагълара уьмуьрзавай Зиндан-Муругъви шаир Лезги Бегьлулани иштиракна. Чи «МАРВАРдин» руш Эсмиради вичин иер ванцив, хъсан шииррив чи рикIерихъ экв кутуна. «КцIар» газетдин редактор Видади Севзиханов, зари Вакъиф Муьшкуьрви, чIугвар Дарвин Велибегов, шаир Шагьмардан, Бегьрам Залов, Шихжамал Шихметов, Руслан Шейдаев, Адил Къайибханов,
Азербайжандин шира шаир Рамиз Къусарчайлы, Азербайжандин Кхьирагрин кIватIалдин векилар шаир Закир Мамед, Джейгьун Агъабегов, Абир ЭчIехви, Гуьнеш Мевланов, улубрин кIвалин кIвалахдар Судабе ханум шаирдин поэзиядин миливиликай, чIехивиликай рахана. Журналист-кхьираг Зерифадин вахан хва Этибар СтIурвидин рахунар, аял чIаван рикIел хкунар лап чкадал аватнай.

* * *
КцIара улубрин кIвале «МАРВАР» межлисдин 41 лагьай мярекат кьиле фена. Пакудай, Сумгаитдай, Хачмазай, КцIарин хуьрерай, Къубадай марварвияр атанавай. Межлисда Бажиханум Исаевадин «Дамаха къелем» тIвар алай улуб винел акъудиз тагьлукьарнавай. Бажиханум Исаева, адан уьмуьрдин юлдаш, стхаяр, зарияр, мектебдин аялар, поэзиядал рикI алай 30-лай виниз инсан кIватI хьанвай. «Алам» журналдин кьилин редактор Къурбаналийрин Камрана кьиле тухвай, саки вирида чпин гаф лагьай мярекат 3 сятда кьиле фена. Бажиханум Исаевадин туь­кIуьрунрикай, уьмуьр­дин рекьикай ихтилатарна, адан, гьакIни зарийри чпин шиирар кIел­на.
Алатай межлисда «СтIал­рин гьуьл» улуб винел акъудай Зерифа Къасумовадиз, гьакIни Бажиханум Исаевадиз «Алам» журналдин лезги поэзия вилик тухунин карда авай агалкьунриз килигна «Лезги халкьдин зари» дипломарни гана. Чандин сагъвал, цIийи эсерар, агалкьунар мурадна.
Межлисдин заланвал, чIехивал хиве кьур «АЛАМ» журналдиз, адан редактор Камран Къурбаналийриз, чаз чIехи куьмекар гайи «КцIар» газетдин редактор Видади Севзихановаз, улубрин кIвалин вири квалахдарриз чандин сагъвал, агалкьунар, хъсан крар мурадна чна. Чара жез кан тийиз-тийиз чара хьана чун.
И иер дараматда чаз чими гин ахъайна, ихьтин чIехи мярекат тухудай куьмекар, имканар гайи Республикадин лайих журналист Видади Севзихановаз, улубрин кIвалин вири кIвалахдарриз, гьакIни райондин кьилевай инсанриз «Алам» журналдин тIварцелай разивал малумарна, пара кьван сагърай лагьана чна.


«Алам» журнал

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.