Сифте алманах

Сифте алманах

Пуд йис я "Алам" журналдин кьилив "Марвар" тIвар алай литературадин межлис кардик галаз. Адан къерехда кIватI хьанвай рехи-жегьил 60-лай пара гафунал, поэзиядал рикI алай касди чи чIал, эдебият, хару сенят, тарих хуьн, теблигъ авун, вилик тухун патал чпин алахъунар сад авунва.
И мукьвара Бакудин “Азербайжан” чапханада межлисдин иштиракчийрин эсерар санал кIватIнавай сифте алманах печатдай акъуднава.
Алманах рехи зари Сажидинан шиирралди ахъа жезва. Гуьгъуьналлаз Гьаким Къурбанан "Зуьгьре гъед" романдикай са чIукI, Фейруз Беделован "Тарашхана" комедия, Нариман Ибрагьимован "Са чими гатуз", Шихжамал Шихметован "Чан алай мийит", Репия Къарибовадин "Пара кан хьайидаз тIимилни хьанач", Юсиф Халилован "Дидедин шикил" гьикаяяр къвезава. 
Ризван Ризванован "Шарвилидин мехъер" сегьнедин этюдди ва "СтIур Далагь" тарихдин драмадини алманахда чка кьунва. 
Абир ЭчIехвидин "УстIар", Гуьзеля Гьасановадин "Бармак вилериз ават тавурай" гьикаяйралди ва Куругъли Ферзалиеван аллегориядин кьисайралди давам жезвай прозадин эсерар Равидин Шамилован  "Марф" эсердалди куьтягь жезва.
Адан чинра гьакIни Бажиханум Исаева, Пакизат Фатуллаева, Фейзудин Нагъиев, Медет Арзуманов, Вакъиф Муьшкуьрви, Фикрет Хидиров, Мегьамед Мегьманов, Адил Къайибханов, Гуьнеш Мевланов, Гьилал Аскеров, Лезги Бегьлул, Зерифа Кьасумова, Гуьлжагьан Мисриханова, Элдар Ферзалиев, Римма Гьажимурадова, Арбен Къардаш, Шагьмардан Агъакишиев, Намик Ферзалиев, Бести Нифтиева, Имран Кичибегов, Билал Адилов, Марям Алискерова, Гуьлалийрин Эйваз, Ашукь Шемшир, Вукъар Идрисов, Халидин Элдаров, Дилмира Ашурбегова, Элмар Саруханов, Анар Лачинов, Марсел Испикви, Муса Агьмедов, Вадим Адилов, Сархан Ярагьмедов ва Мегьамед Ибрагьимован, гьакIни жегьил зарияр тир Лале Садиров, Камалдин Илясов, Тачир Аташов, Луиза Агьмедова, Эсмира Бейбутова, Мадина Рамазанова, Владик Батманов, Сулейман Ахцегьви, Гулфия Пиругъланова, Зарина Мустафаева, Элнара Ризванова, Саира Сефербекова, Омар Къазиханов ва Ражи Гуьлмирован шиирарни гьатнава.       

“КЦIАР” газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.