Зи вахаз

Къенин шад югъ на кьиле твах,
Гьа вун авай хуьре, чан вах.
Яру пайдах винизна яхъ,
Ви кьудратлу гъиле, чан вах!

Гьар са кар ваз хьанва мумкин,
Ая кIвалах, жемир секин.
Партиядиз вуна кьур кьин,
Твах ам кьиле вуна, чан вах!

Стахановчи къатар гьяркьуь,
Ая душман вуна буьркьуь.
Къачу жуван жафад гьакъи,
Секин жемир кIвале, чан вах!

Жуван колхоз ая мягькем,
Татуй адал душмандин тIем.
КIвалах ая вуна уьткем,
Тахьуй карда гьилле, чан вах!

Лагь вуна:  «И колхоз зид я!»
Гужлу кIвалах, гьамни вид я.
Азад бахтлу Ватан чид я,
Гьат ам хуьнин геле, чан вах!

Ихтияр ваз ава самбар,
Итимрихъ галаз барабар.
Совет  Союз азад халкьар,
Гужлу хьун яхъ хиве, зи вах!

Авач ваз я хажалат, гъам,
Илим чира жуваз тамам.
Амукь тавурай вун авам,
Твамир на жув кIеве, зи вах!

Власть вид я, гаф на жуван,
Ам хуьнуьхиз эциг ви чан.
Хиянаткар - а пис душман-
Тамир садан хуьре, зи вах!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.