Ви иесдин хьана чIалахъ,
Къачун хьана кал-садакьа!
Галукьриз кIур папан къвалахъ,
ЧIурзава зи кIвал, садакьа!
Лагьайла Султана «меме»,
Ван гьатна хьи мад зи кьиле.
Куьтягь жезвач хьи зи кIвале,
Нисеян зав къал, садакьа!
ТуькIуьриз на крчар хурал,
Гагь тадач на верчер къурал.
Акъудна зи хизан кьурал,
Тунач на захъ чIал, садакьа!
Ийиз факъир Нисей басмиш,
Гагь тевледин пипIе бамиш,
Валлагь, хьанач зал расалмиш,
Вун хьиз залум мал, садакьа!
Етим хьана Балакъардаш,
Акурди туш ихьтин саваш.
Сабур ая, зулуз тамаш,
Хам жеда кIатIал, садакьа!
Рубрика
Добавить комментарий