Ви канивал заз це...

Ви канивал заз це, зи яр, 
Ам зи рикlе за эцигда! 
Кьезилара жува а пар, 
Рикl цlраз вун заз килигда!
Ви кlанивал зи рикlевай, 
Ашкъидин цlай яз куькlурда! 
Ялавди ам рикlяй къвезвай, 
Пак гьиссериз фад элкъуьрда!
Ви канивал вили цавуз, 
Ахъай вуна гьиссер хьурай! 
Лацу лифре цава лув гуз, 
Луварикай гъилер хьурай!
Ви канивал за са руьгь хьиз, 
Агакьарда цавун аршдив! 
Заз экв гайи са чирагъ хьиз, 
Тухуз тадач вун гарари!
Ви канивал туна рик1е, 
Фейи чи шад йикъарин! 
Вири бахт ваз багъишда за, 
Чилеринни, цаварин!